27ویں آئینی ترمیم کا بل سینیٹ میں پیش، اپوزیشن کا احتجاج، شورشرابا

اسلام آباد(ڈیلی پاکستان آن لائن)27ویں آئینی ترمیم کا بل سینیٹ میں پیش کردیاگیا،مسودہ وزیر قانون اعظم نذیر تارڑ نے پیش کیا، 27ویں ترمیم کا مسودہ پارلیمانی کمیٹی کے سپرد کردیاگیا۔

نجی ٹی وی چینل دنیا نیوز کے مطابق چیئرمین یوسف رضا گیلانی کی زیرصدارت سینیٹ کا اجلاس جاری ہے، 27ویں ترمیم کا مسودہ پیش کئے جانے پر اپوزیشن کا سینیٹ میں احتجاج اور  شورشراباکیا۔

سینیٹرعلی ظفر نے کہاکہ 27ویں ترمیم پر ایوان میں بحث ہونی چاہئے، مسودہ ابھی ملا ہے، ایک لفظ بھی تاحال نہیں پڑھا،مسودے کو پڑھے بغیر بحث نہیں کر سکتے،پورے ایوان پر مشتمل کمیٹی قائم کریں،پی ٹی آئی سینیٹر کاکہناتھا کہ لگتا ہے حکومت کو بل منظور کرانے کی جلدی ہے،اپوزیشن لیڈر کی نشست خالی ہے،ناصر عباس کو اپوزیشن لیڈر تصور کیا جائے۔اپوزیشن لیڈر کی تعیناتی تک بحث نہیں ہو سکتی۔